GAGURITAN

 PUPUH SINOM
 

• Kancit rawuh gede cupak, Sada gisu nyagjag I Adi, Tur angucap ringa dinnya, Pangucapne makuma asih, Made Grantang adin beli, Depang lampite beli nikul, Made granting alon nimbal, Rihinan sampun budal beli, Tityang mandus, Beline nual lingne getar  

• Pada keto rawos I Dewa, Rihinan sampun kolo mulih, Basing kolo seduk pisan, Twara sida ban nampanin, Kema sampun adus adi, Wus angucap ya lumaku, Sambil natad ubuannya, Tolah – tolih ya memargi, Di tengah endut, I cupak ngraris maguyangan 

SINOM DASAR

• Bahu mandeg liang I Cupak, Bapan ipun jeg berangti, Raris ngajum I Gede Cupak, Pengajume alus manis, Pianak bapa sang apekik, Kema cening mandus dumun, Wusan jua masel-selan, Bapa nyantos I made prapti, Prade rawuh, I made praya tigtig bapa

• Miles idep I Gede Cupak, Miring atur wane brangti, Sedurunge I Made Prapta, I Cupak raris ya melali, Ngaba ayam bulu buik, Kebongbong ring kantin ipun, Sat-sat anggen pesiliban, Pang tan ngenah idepe culig, Sapuniku, Cupak baan ngeka daya 

» Thanks for reading GAGURITAN

Tweet